رێکخراوی ستۆپ کۆنفرانسی نەخشەرێی چاکسازی و رووبەروبونەوەی گەندەڵی ئەنجامدەدات

میدیای رێکخراو

رؤژی چوارشەممە ٣١ی ٧ی ٢٠١٩ رێکخراوی ستۆپ بۆ چاودێری و پەرەپێدان لە چوارچێوەی پرۆژەی بەهێزکردنی لێپرسینەوە و دەسەڵاتی یاسا بە پشتیوانی سندوقی نیشتیمانی بۆ دیموکراسی ئەمریکی NED, کۆنفرانسی بڵاوکردنەوەی راپۆرتی نەخشەرێی چاکسازی و رووبەروبونەوەی گەندەڵی لە هەولێر ئەنجامدا.

 

لە کۆنفرانسەکە سەرۆک و ئەندامانی لیژنەی دەسپاکی لە پەرلەمانی کوردستان و نوێنەری سەرۆکایەتی داواکاری گشتی و دەستەی دەسپاکی و نوێنەری بەشێک لە وەزارەتەکان و ئەندامانی ئەنجومەنی پارێزگای هەولێر و پسپۆران و یاسا ناسان ئامادەبوون.

سەرەتا ئاری عبدالله سەرۆکی رێکخراوی ستۆپ بەخێرهاتنی ئامادەبوانی کرد و تیشکی خستە سەر پرۆژەی بەهێزکردنی لێپرسینەوە و دەسەڵاتی یاسا بەپشتیوانی NED ی ئەمریکی.

فەرمان رەشاد بەرێوەبەری پرۆژەی بەهێزکردنی لێپرسینەوە و دەسەڵاتی یاسا ناوەرۆکی راپۆرتی نەخشەرێی چاکسازی و روبەروبونەوەی گەندەڵی خستە روو کە لە چوار بەش پێکهاتبوو بەو شێوەیە بەشی یەکەم تایبەت بە راسپاردەکان بۆ بەهێزکردنی دامەزراوەکانی لێپرسینەوە, بەشی دووەم لەبارەی ئەو یاسایانەی پێویستە جێبەجێبکرێن یاخود هەمواربکرێنەوە, بەشی سێیەم لەبارەی کۆمەلێک هەنگاوی گشتی بۆ چاکسازی و بەشی کۆتاییش لەبارەی چەند راسپاردەیەک بۆ ئەنجومەنی وەزیران.

دواتر دارەوان نوری نوێنەری سەرۆکی دەستەی دەسپاکی وتەیەکی پێشکەشکرد و رایگەیاند بەهۆی سەفەری دەرەوەی وڵات سەرۆکی دەستە نەیتوانیوە بەشداری کۆنفرانسەکە بکات بەڵام ویستی پەیامی دەستخۆشی بگەیەنێتە رێکخراوی ستۆپ کە لەماوەی رابردوو بەردەوام کاری لەسەر گەندەڵی کردووە و ناوبراو ئامارەکانی دەستەی بۆ پرسی لێکۆلینەوە لەکەیسەکانی گەندەڵی خستە روو.

شیرین ئەمین سەرۆکی لیژنەی دەسپاکی پەرلەمانی کوردستان لە پەنێلێکدا پشتیوانی خۆی بۆ رێکخراوی ستۆپ و راپۆرتی نەخشەرێی چاکسازی دەربری و رایگەیاند وەک لیژنەکەیان ئامادەی هەموو هاوکاریەکن لەگەل رێکخراوی ستۆپ, باسی لە پلانی لیژنەکەشیان کرد بۆ بابەتی رووبەربونەوەی گەندەڵی لە سێکتەرە جیاوازەکان.

هەروەها د.محەمەد رێکانی ئەندامی داواکاری گشتی و نوێنەری سەرۆکایەتی داواکاری گشتی دەستخۆشی لە رێکخراوی ستۆپ کرد بۆ ئامادەکردنی راپۆرتەکە و باسی لە ئاستەنگەکانی بەردەم چاکسازی کرد و گوتی هەبونی ئیرادەی سیاسی باشترین رێگایە بۆ رووبەروبونەوەی گەندەڵی.

دادوەر نادر هەرکی دادوەری لێکۆلینەوەی دەستەی دەسپاکی لە پەنێلەکەیدا دەستخۆشی لە رێکخراوی ستۆپ کرد و وتیشی حکومەتی نوێ ئیرادەی بۆ شەری گەندەڵی پیشانداوە و گرنگە هەنگاوەکان بەشێوەیەکی کردەیی بچنە بواری جێبەجێکردن و باسی لەمبەرەکانی بەردەم لێکۆلینەوە کرد لە کەیسەکانی گەندەلی.

ئارێز عەبدوڵا سەرۆکی لیژنەی وزە لە خولی پێشوی ئەنجومەنی وەزیران پشتیوانی راپۆرتەکەی رێکخراوی ستۆپی کرد و رایگەیاند گرنگە کابینەی نوێ سوود لەو پێشنیارە و هی تریش وەربگرێت بۆ چاکسازی و ناکرێت دۆخەکە بەو شێوەیە بەردەوام بێت.

هەروەها هەریەک لە د.ئاراس خۆشناو سەرۆکی سەنتەری کوردستان بۆ لیکۆلینەوەی ستراتیژی و عبدالستار مجید وەزیری پێشووی کشتوکال و سەرۆکی فراکسیۆنی کۆمەڵ وەک لایەنێکی ئۆپۆزسیۆن شەن و کەوی هێلە گشتیەکانی کارنامەی حکومەتی نوێیان کرد.

دواتر بەشداربوان بەسەرنج و تێبینیەکانیان باسەکەیان زیاتر شرۆڤە کرد. بریارە راپۆرتەکە بەشێوەیەکی فەرمی پێشکەشی ئەنجومەنی وەزیران بکرێت لەلایەن رێکخراوی ستۆپ, لەسەر بنچینەی ئەو راپۆرتە رێکخراوی ستۆپ چاودێری هەنگاوەکانی چاکسازی لە کابینەی نوێ دەکات.

وێنەکان:

 

Image may contain: 1 person, sitting and text

Image may contain: one or more people and people sitting

Image may contain: 4 people, people sitting, table and indoor

Image may contain: 2 people, people sitting and indoor

 

رەنگە تۆ ئارەزووی ئەمانشە بکەیت پۆستی زیاتری نوسەر

وەڵامدانەوە دابنێ

ئیمەیڵەکەت بڵاوناکرێتەوە.