رێكخراوی ستۆپ بە هاوبەشی چەند رێكخراوێكی تر راپۆرتێك لەبارەی پرۆژەكانی نیشتەجێبوون بڵاودەكەنەوە

فەرمان رەشاد- رێكخەری سەكۆ: ڕاپۆرتەكە پێشکەشی لایەنە پەیوەندیدارەکان دەکەین

میدیای STOP 

لە چوارچێوەی كارەكانی سەكۆی بەشداری گشتی كە رێكخراوی ستۆپ تیایدا ئەندامە راپۆرتێك لەبارەی وەبەرهێنانی نیشتەجێبوون لە هەرێمی كوردستان بڵاودەكرێتەوە.

فەرمان رەشاد كە بەرێوەبەری كارگێری  و دارایی رێكخراوی ستۆپە و رێكخەری سەكۆی بەشداری گشتی هەولێرە لەمبارەیەوە رایگەیاند  لە چوارچێوەی سەکۆی بەشداری گشتی هەولێر بەنوێنەرایەتی ڕێکخراوی ستۆپ، بەپشتیوانی ئینیستیوتی ریفۆرم بۆگەشەپێدان و ڕێکخراوی NPA ی نەرویجی، بەهاوبەشی لەگەڵ چەند هاوڕێیەکی ئازیز، سەرپەرشتی کردنی ئامادەکردنی ڕاپۆرتێک لەبارەی دۆخی وەبەرهێنانی نیشتەجێ بوون لە هەرێم کە هەولێر وەک نمونە وەرمان گرتووە.

وتیشی ئەو ڕاپۆرتە پێشکەشی لایەنە پەیوەندیدارەکان دەکەین، بۆ ئەوەی کەموکوڕی و کێشەکانی ئەو کەرتە کە لە ڕابردوو خەڵکێکی زۆر بونە قوربانی چارەسەربکرێن و هاندەری ئێمە بۆ ئەو کارە ئەوەبو کارێک بکەین چیتر بەشێک لە کۆمپانیا چاوچنۆکەکان سادەیی خەڵک بۆ خزمەتی گیرفانی خۆیان ئیستیغلال نەکەن.

 

لەماوەی داهاتووش ماڵپەری رێكخراوی ستۆپ بە شێوەی پی دی ئێف راپۆرتەكە بڵاودەكاتەوە

 

Image may contain: text

رەنگە تۆ ئارەزووی ئەمانشە بکەیت پۆستی زیاتری نوسەر

وەڵامدانەوە دابنێ

ئیمەیڵەکەت بڵاوناکرێتەوە.