راپۆرتی چارەسەرکردنى ئاوەڕۆ لە شاری هەولێر ئاستەنگ و چارەسەرییەکان

ستۆپ، باری سالح

پوختەى راپۆرت دواى بەشداریکردنى نوێنەرى رێکخراوى ستۆپ لە ورکشۆپێکى دوو رۆژە، بەسەرپەرشتى و چاودێرى (رێكخراوی BORDA) ئەو پێپەرە وەک یەکێک لە راسپاردەکانی چالاکیەکە ئامادەکرا، ئەوان دەستپێشخەریان کرد بۆ ئەوى بەشداربوانى چالاکییەکە پێپەر یان راپۆرتى بنکۆڵکارى سەبارەت بە پرسێکى پەیوەندار بە ئاوەڕۆ لە یەکێک لە شارەکانى هەرێمى کوردستان ئامادەبکەن، بۆ ئەم مەبەستە بەرێز م.خطاب عزیز وەک بەشداربوى چالاکیەکە و بەرپرسى بەشى توێژینەوەو وراپرسى ئەرکى ئامادەکردنى ئەو پێپەرەى سەبارەت بە دۆخى چارەسەرکردنى ئاوەڕۆ لەشارى هەولێر گرتە ئەستۆ و لە ماوەى دوو مانگ دا، لە ڕێگاى چاوپێکەوتن لەگەڵ سێ دەزگا پەیوەندار (فەرمانگەى ژینگەى هەولێر- هۆبەى پشکنین و چاودێرى، بەرێوەبەرایەتى وەبەرهێنانى هەولێر، بەرێوەبەرایەتى ئاوەرۆى هەولێر) کۆمپانیا تایبەتمەندو کەسە پسپۆرەکانى (کۆمپانیاى الفجر، کۆمپانیاى راسپێرى رەوا، کۆمپانیاى شنجن) ئەنجامدرا، ئامانج لەو پێپەرە تێگەیشتن و هەڵسەنگاندنێک بوو بۆ دۆخى چارەسەرکردنى ئاوەرۆى شارەکانى نیشتەجێبوون لەشارى هەولێر،بەتایبەتى شارەکانى وەک(ئالتون ستى ، لانە ستى، ئیتالیا٢) بۆ ئەوەى گرفت و ئاستەنگەکانى پرسى چارەسەرکردنى ئاو دەست نیشان بکەین و سەرکەوتن و دەرەنجامە ئەرێنیەکانى روون بکەینەوە، پرسی چارەسەركردنی ئاو یەكێكە لەو بابەتانەی ئێستا لەسەر ئاستی دامەزراوە جیهانیەكان گرنگی زۆری پێدەدرێت، بۆ ئەوەی هانی حكومەتەكان بدەن بۆ پاراستنی ئاو وەک سامانێکى سروشتى و دەست پێوەگرتن و بەهەدەرنەدانى و دووبارە بەکارێنانەوەى ئاوەرۆ و پاشماوەى ئاوى بەکارهاتوى مالان و ناوچە بازرگانى و پیشەسازى و پرۆژە فێرکارى و تەندروستى و خزمەتگوزارییەکان. زۆر ئەزمونی سەركەوتوو هەیە لەوبوارە، هەرێمی كوردستان یەكێكە لەو ناوچانەی چاوەرێ دەكرێت لە داهاتوو دوچاری كێشەی كەم ئاوی ببێتەوە، بۆیە گرنگە رێگا جۆراوجۆرەكان بگیرێتە بەر بۆ خۆپارێزی، یەكێك لەو رێگایانە دانانی یەكەی چارەسەركردنی ئاو و دوبارە بەكارهێنانەوەی ئاوەرۆیە، ئەو راپۆرتەی ئێمە كە تایبەتە بەپرسی دانانی یەكەی چارەسەری ئاو لە پرۆژە نیشتەجێبوونەكانی ناسراو بە ستیەکان لە شارى هەولێر،دەكرێت ببێتە سەرەتایەك بۆ ئەوەی توێژینەوە و بەدواداچون و قسەی زیاتری لەسەر بكرێت. هیوادارین لە داهاتوو لایەنە پەیوەندیدارەكان زیاتر جەخت بخەنە سەر ئەو پرسە گرنگە ژینگەییە.

ناوی راپۆرت: چارەسەرکردنى ئاوەڕۆ لە شاری هەولێر ، ئاستەنگ و چارەسەرییەکان

نوسین و ئامادەكردنی: خطاب عزیز – رێكخراوی ستۆپ بۆ چاودێرى و پەرەپێدان

ساڵی چاپ: نۆڤێمبەری 2019

شوێنی چاپ: چاپخانەی كامبرج – هەولێر

بڵاوكراوەكانی رێكخراوی ستۆپ زنجیرەی (22) ساڵی 2019

 

بۆ خوێندنەوە و دابەزاندنی راپۆرتەكە كلیك لەسەر بەرگی راپۆرتەكە بكە:

Water recyclng 3d

 

رەنگە تۆ ئارەزووی ئەمانشە بکەیت پۆستی زیاتری نوسەر

وەڵامدانەوە دابنێ

ئیمەیڵەکەت بڵاوناکرێتەوە.