رێكخراوی ستۆپ لەگەل بەرێوەبەری گشتی باجەكان لە هەرێم كۆبویەوە

لە كۆبونەوەكە گفتوگۆ لەبارەی هەنگاوەكانی حكومەتی هەرێم لە بواری رێكخستنەوە و چاكسازی لە وەرگرتنی باج و زیادكردنی داهاتی باج كرا.

وەفدی رێكخراو چەندین پرسیاریان لەبارەی هەنگاوەكانی حكومەتی هەرێم بۆ زیادكردنی داهات و نیگەرانی هاوڵاتیان لە زیادبونی باج كرد.

لەلای خۆیەوە د.كەمال وەرتی وردەكاری هەنگاوەكانی خۆیانی بۆ رێكخستن و زیادكردنی داهات و نیگەرانیەكان خستە ڕوو، ئاماژەی بۆ ئەوە كرد بۆ كۆنترۆڵكردنی تەواوەتی خۆدزینەوە لە باج پێویستمان بە بەهێزكردنی سیستەمی بانكی و هەمواری یاسای وەبەرهێنان هەیە.